Dışmenon xəbisə planon vədə mısılmonon miyono vəhdət iyən i bemoni zəruriyat.
İroni islamiyə əloğon iyən mədəniyət təşkilati rəis iyən Ğəfğaz mısılmonə ruhanion idarə yol bə dışmenon xəbisə planon vədə mısılmonon miyono vəhdət iyən i bemoni zəruriyat təkid kardəşone.
Bə İrna raporti əsos Bokuədə Əbuzər Ebrahimi Turkəman de Şeyxol İslamə Şukor Paşazodə vindemon karde bə Tehron-Boku miyono tarixi həmkarion işorəş karde və votışe: İron iyən Azərbaycan Respublika hejo yande kəno peştədə bıən və ım dustanə əloğəon idamə peydo bəkay.
Şeyxol İslamə Şukor Paşazodə həm ım vindemonədə bə Bukuədə mədəniyəton miyono icloson dəvoniyə işorəş karde və umidvar be ki jıqo icloson vositə dınyo və məntəğədə sulh bərpo bıbu.
Azərbaycan Respublikaədə mədəniyəton miyono 5 minə iclos zinə 2 ruji bəpeştə sə be.
Im iclosi kənoədə İroni nımoyəndə Əbuzər Ebrahimi Turkəman de Azərbaycan Respublika dini təşkilaton koonədə dıvlətiyə kamissiya rəis mubariz Ğurbanli həm vindemonış karde və bə 2 qılə kişvəri miyono mədəni və zıvoni cəhəto bıə mıştərəkə noğtəon işorəş karde.
Mubariz Ğurbanli həm məntəğədə de radikalizm iyən represivə hərəkəton mubariz barədə sahədə bə İroni təcrubəonku istifodə karde təkidış ka.