Azərbaycan Respublika iyən Qurcistoni sərhədədə daveon ehtımal ciddi be.
Yeni Musavat rujnomə sərhədədə Azərbaycan Respublika və Qurcistoni miyono hərbi daveon ehtımaliku xəbəş do.
Bə İrirb raporti əsos çı Yeni Musavat rujnomə nəğliku Boku-Teflisi miyono sıxəni daveon "Kişikçi dağ" ya həmonə "david qarçi" məntəğə barədə vey şiddətin be.
Bə həminə raporti əsos məvuji Qorceston de hucum iyən həmlə hərəkəton çı Azərbaycan Respublika sərhəd məmoron təhrik kardedə.
Im rujnomə bə Qurcistoni dıvlət tosiyəş karde ki çand qılə tarixiyə vırə xoto əv həm zəmoni ki Russiyə iyən Qurcistoni miyono əloğəon çok ni jıqo bə Azərbaycan Respublika əleyh xətərnok iyən təhrikəkə macəraon fikədə nıbon.
Qurcistoni mediyaon həm həmzəman anti Azərbaycan Respublika etıroz aksiyaonku cəmaəti huzuri nışo dodən; əvon ım tarixi məntəğəon bəştə zəmin oqarde pidəşone.
Azərbaycan Respublika iyən Qurciston bəştə fakton əsos ım tarixi məntəğədə hakımiyəti ıştə həx zınəydən.