Bə Rusiyə Ermənistoni meyl Amerkə norohəti bois bıə.
Amerkə siyasi ekspert qıləy məğalədə bə Erməniston Amerkə koməkon kam bey illəti çı Ermənistoni Rustələbə meyl və siyasəton ziyod bey zınəş be.
Bə Erməni rədio raporti əsos Paol Qobel ım məğalədə ki "joım 168" nomo rujnomədə çap be əlovəş karde: bə Erməniston Amerkə maliyə koməkon miğdor bə İrəvan-Vaşinqtoni miyono siyasəton həmohənq bey vabəstəy.
Əv bə dəvardə i sori mıddətədə Ermənistoni siyasəti təhəvolaton işorəş karde və votışe: Erməniston pidəş ni ıştə ım siyasətonədə ijən diyə bıko ki ım çı Amerkə niqərani və norohtəti bois bıə.
Qobel əlovəş karde ki İrəvan-Moskva miyono əloğə oqəte roon ojin əmmo de Vaşenqton ne.
Amerkə ım koşınas təsdiğış ka: İrəvan dıvləti tərəfo çandə mıhofizəkorəti bois bıə ki Amerkə bə kali bıhranon əcumlə Ğərəboği bıhran daxil beyku imtino bıkə.
