Imsornə Ğuds beynəl xalğ ruji əhəmiyyəti.

Cumə dini cəmiyyəti yol votışe: Amerkə yolə şəxətion iyən pəlidə siyasəton xoto ımsornə sori Ğuds beynəl xalğ ruj foğəladə əhəmiyətış bəbe.

Bə İrib raporti əsos Hac İlğar İbrahim Oğlo mubarək ruje manqi oxonə cumə ruji nezi barədə təkidış karde ki Ğuds beynəl xalğ ruj çı islam dini ruje ki bo mısılmonon vey əhəmiyyətış bəbe.

Əv əlovəş karde: Şərifə Ğuds bənə mısılmonon i minə ğıblə və vey muhimmə muğəddəsə vırəy.

Haci İlğar İbrahim Oğlo ijən votışe: Ğuds beynəl xalğə ruji çı Ğərəboğ iyən Şoşa ruji həm ğeyd karde bəbe; yəni Azərbaycan Respublika mısılmonon Ğərəboği həm bənə islam dini qıləy muhimmə mıvzo zınəydən və ım yəni Ğərəboğədə ısətnə hadisəon çımiku bənav Şərifə Ğudsədə təşkil bıə və həmonə cinoyət oyən nohəxion dəvom kardedə.