MDİ tərkibədə 8 qılə terroristiyə qrupon fəaliyəti vəy qətə bəy.
Rusiyə milli əmniyyət idarə rəis votışe: MDİ tərkibədə 8 qılə terrorçiyə qrupon zıne bəpeşt çəvon fəaliyət ğədəğən bıə.
Bə Fars aqentiyəti raporti əsos "Əleksander Bortenikev" Tacikistonədə bıə çı MDİ əmniyyətiyə təşkilaton rəsmi şəxson iclosədə terroriston fəaliyəti ziyod beyku ıştə niqərani elanış karde və votışe: həmkarion vasitə Tacikiston, Ğerğizıston, Azərbayca Respublika iyən Ozbəkistonədə detosə ısət 100 nəfər terrorist əcumlə DAEŞ-i uzvon dəstqir bıən.
Rusiyə milli əmniyyət idarə rəis əlovəş karde: qıləy nımunədə Ğəzaxıstoni milli əmniyyət idarə 4 nəfər Ozbəkistonıjə, 11 nəfər Tacikon və 3 nəfər Ğerğizıstoni şəhrvandonış terroristiyə fəaliyətonədə iştirok karde xoto bə həmkarə əmniyyəti orqanon təhvilış do.
MDİ kişvəronədə Azərbayca Respublika, Erməniston, Blarus, Ğəzaxıston, Ğerğizıston, Moloaviya, Rusiyə, Tacikiston, Tırkməniston, Ozbəkıston iyən Okraniya uzvin.
