Ərdoğan: məntəğədə separatçiyəti vırəş ni.
Tırkiyə prezident bə Astanə nomo 3 tərəfi həmkarion dəvomi iyən çəy nəticə qarantiyaəkəyon vindemoni işorəş karde və votışe: çəmə məntəğədə bo separatçiyəti iyən terroristi dastəon iştiroki hiç vırə ni.
Zinə, Tehronədə Astanə nomo 3 tərəfi həmkarion dəvomi iyən çəy nəticə qarantiyaəkəyon 7 minnə iclos, de İron, Rusiyə və Tırkiyə kişvəron prezidenton bərpo bıə.
Deşəmbə şəv, Tırkiyə prezident Rəcəb Təyyeb Ərdoğan və seşəmbə əsr Rusiyə prezident Veladimier Putin de Astanə nomo 3 tərəfi həmkarion dəvomi iyən çəy nəticə qarantiyaəkəyon iclosi iştiroki hədəf bə Tehron varid bıən.
Miladi 2017 minnə sorədə Astanə muzakirəon de İron və Rusiyə təşəbbus və Tırkiyə həmrohəti və de Suriyə daveon iyən şəroyeti həll və həminə kişvərədə 6 sor canq, avarə bey iyən xərobion bə oxo rosniye hədəf bino bıə. Miladi 2017 minnə sori Yanvarə manqədə, Ğəzaxıstonədə Astanə iclosi iminnə dıvrə ya Suriyə sulh iclos de İron, Rusiyə və Tırkiyə iştirok bərpo bıə.
Bə İrna raporti əsos, seşəmbə şəv, və Astanə nomo 3 tərəfi həmkarion dəvomi iyən çəy nəticə qarantiyaəkəyon 7 minnə iclosədə ki bə İron İslam Respublika mizbonəti və Tehronədə bərpo bıə, Rəcəb Təyyeb Ərdoğan votışe: bənə Astanə nomo 3 tərəfi həmkarion dəvomi iyən çəy nəticə qarantiyaəkəyon kişvəron, bəpe həmkarion bə inkişof bırosnomon, iyən de həmkarion dəvoməti bəştə muhimmə hədəfımon bırəsəmon.
Əv ijən votışe: vey muhimmə məsələ ki Suriyə əmniyyəti təhdid kardedə, terrori məsələy, və bəpe daim surət de YPQ və PKK iyən co terroristiyə qrupon mubarizə bardey idomə bıdəmon, boçiki İrağədə əvon bəştə separatçiyəti fəaliyəton idomə dodən.
Ərdoğan işorəş karde ki de terroriston vədə ki milləti kıştey bois bəben, Trırkiyə bəştə mubarizə idoməş do, ijən təkidış karde: umidımon heste ki Suriyə bıhron həl bıbu,və karde bəznemon həminə barədə de yande məşvərət kəmon.
Tırkiyə prezident bəyonış karde ki bəpe Suriyə insoni ehtiyacon həl bıbu ijən votışe: ım məsələ çəmə həmmə niqəronie və Suriyə mıhociron bəpe de insoni kəromət və əmniyyəti oqətey bəştə kişvəron obəqarden.
Əv ım məsələ, Astanə nomo 3 tərəfi həmkarion dəvomi iyən çəy nəticə qarantiyaəkəyon 7 minnə iclosi muhimmə məsələonku zıneydə ijən əlovəş do: umidımon heste ğərolon ki ımruj bə vırə rosniyə bə Suriyə bıhrani həlli və ım closi ozavziyə komək ko.
