İron və Cənubi Afrika miyono enerji sahədə həmkoəti inkişof

Pars Tudey-İroni nati vəzir Cənubi Afrika Enerji və Enerqetika vəziri didodə enerji sahədə dıtərəfinə həmkoəti inkişofışon muzokirə kardə.

Pars Tudey bə İroni Tele-Rədyo Şirkəti istinodən doə məlumoti əsos,İroni nati vəzir Muhsin Paknejad cımə şəvi ruji BRICS Neft və Enerqetika Vəziron 11-ə İclosi çərçivədə de Cənubi Afrika Enerji və Enerqetika vəzir Kqosintşo Ramokqopa dido və dıtərəfinə həmkoəti inkişofiş təkid kardə.Çoşanbə ruji İroni nati vəzir de Hindistoni Enerqetika,Mənzil və Şəhrejey Vəzir Şri Manohar Lali bıə didoədə bə Tehron iyən Nuyə Dehli miyono ixtisodi və enerji sahəonədə əloğəon inkişofi həm təkid kardəşone.