Arsenali Erməniyə futbolçi bə Azərbaycan Respublika səfər nibəkay.

Azərbaycan Respublika xarıci vəzarətxonə bə Arsenali Erməniyə futbolçi bə Boku səfər nıkarde ğəroli etırozış karde və votışe: ım hərəkət nışo doydə ki Ermənion varzışiku bənə siyasi əbzari istifodə kardən.

Paşo Boku oləmpiya stadiyonədə  avroliqa futboli hənk Çelsi və Arsenali miyono bərpo bəbe.

Azərbaycan Respublika xarıci vəzarətxonə ijən elanış karde: qılə holədə ki hənəki futbolçion və təmşoəkəon əmniyyət kamilən icod bıə iyən hiç problemi ni əmmo Erməniston ijən siyasi məğsədi nışoş do.

Ermənistoni xarıci vəzarətxonə çımiku bənav elan kardəş be ki əqə Azərbaycan Respublika lozimə əmniyyəti barədə təminot nıdo Arsenali Erməniyə futbolçi Henrik Mixtariyan bə Boku səfər ni bəkarde.

Isət xəbə ome ki əv bə Azərbaycan Respublika səfər kardeku imtinoş karde.