Azərbaycan Respublikaədə Ğədrə şəvi mərasimon.

De mısılmonə cəmaəti əzəmətinə iştiroki Azərbaycan Respublika muxtəlif məçidonədə Ğədri 3-ə şəvi mənəviyə mərasimon bərpo bin.

Bə İrib raporti Azərbaycan Respublika mısılmonə cəmaət zinə ıştə məxsusə mərasimonədə ımsornə sori 3-ə Ğədrə şəvədə məçidon iyən məzhəbi vırəonədə de Xido vanq karde çı İlahi dərqohku əfv və qozəşti tələbışon karde.

Azərbaycan Respublika dindaron detosə sıb Kərimə Ğıroni təlavət kardışone, Coşəne kəbir nomo bıə dıvoşon hande və ilahi əzəmətinə nomonon zomzomə kardeşone ta Xıdovənde Xalıği rəhmət iyən məğfirət bəvon ğısmət bıbu.

Bə rəvayəton əsos mubarək rujə manqi 19, 21 və 23-nə şəvon həmonə Ğədrə şəvonku iborəte ki mısılmonon de şəvədə oğo mande, Ğıroni bə sə noe, dıvo hande, Coşən Kəbir nomo məxsusə dıvo ğiroət karde deştə Pərvərdıqori raz-niyaz və mınocat kardedən.

Ğədrə şəv qıləy şəve ki 1 sori mıddətdə çəy fəzilət bənə 1000 manqədə ibodət karde ğeyd bıə və həmonə şəvədə cəmaəti təğdir və tale mıəyyən bəbe.