Ğərəboği bıhraniku oxonə xəbəon.

Ğərəboğ muxtarit respublika əmniyyət şura rəis ım məntəğə və Ermənistoni miyono ixtilofonku xəbəş do.

Bə Təsnim aqentiyəti raporti əsos Vitali Balasaniyan votışe: Ğərəboğ iyən Ermənistoni miyono ixtilofon Nikol Paşiniyani sohbəton bəpeştə ziyod bıə boçi ki əv pidəşe de məntəğə bıhrani həl karde bəhonə Ğərəboği bəzi baxşon bə Azərbaycan Respublika bıdə.

Əv təkidış karde ki jıqo suhbəton əks bəpe Ğərəboği tale de Ğərəboği milləti sədo mıəyyən bıbu.

Nikol Paşiniyan i ruj Ermənistonədə i minə vəzirəti bəpeştə bə Xan kəndi səfəri cərəyonədə votış be: Ğərəboği bıhrani həl karde xoto bəpe ım məntəğə i baxş bə Azərbaycan Respublika doe bıbu.

Tojədən Azərbaycan Respublika mudafiə vəzarətxonə Ermənistoni həmləon vasitə Ğərəboğədə çand kərə otəş basti ləğv beyku xəbəş do.

Çımiku bənav elan bıə ki Ğərəboğədə jıqo be ğanunə hərəkəton xoto i nəfər Azəri hərbi sərhədədə kıştə bıə.

Ğərəboği məntəğə barədə Erməniston və Azərbaycan Respublika konfilikt 1988-nə sorədə bino bıə iyən 1992-nə sorədə bənə hərbiyə dave əvəz be.

Avropa həmkari və əmniyyət təşkilat Minsk qrup vositəçiyəti Ğərəboği konfilikt həl kardeyro hiç foydə nıbıə.