Bo Tırkiyə şahrvandon bə Azərbaycan səfər kardero viza ləğv be.
Jul 26, 2019 06:38 Asia/Tehran
Azərbaycan Respublika xarıci vəzarətxonə bo Tırkiyə şahrvandon bə Azərbaycan Respublika kişvər səfər kardero viza ləğ beyku xəbəş do.
Bə İRİB raporti əsos Azərbaycan Respublika xarıci vəzarətxonə ıştə tojə bəyaniyədə bə Boku-Ankara miyono bıə çokə əloğəon iyən veyə mıştərik noğtəon işarə və təkidış karde: Tırkiyə şahrvandon karde bəznın bo 30 rujiro be viza bə Azərbaycan Respublika səfər bıkon.
Bə elanon əsos bo Tırkiyə şahrvandon bə Azərbaycan səfər kardero viza rejimi peqəte ğanun Sentiyabri əvvəlnə rujiku bino bəbe.
Çimiku bə nav Tırkiyə divlət bo Azərbaycan Respublika şahrvandon bə Tırkiyə kişvər səfər kardero əv həm 30 rujə səfəron xoto viza rejimi ləğvış kardə be.