Suriyə barədə Amerkə iyən Tırkiyə miyono məxfi saziş.

Tırkiyə prezident Suriyədə mıştərikə əməliyot mərkəzi icod karde xoto de Amerkə saziş kardeku xəbəş do.

Bə İsna raporti əsos, Rəcəb Təyyeb Ərdoğan tojədən Ankaraədə votışe: Suriyə şimal məntəğəonədə əmnə məntəğə icod karde xoto Amerkə və Tırkiyə bə həmohənqə hədəfon iyən hərəkəton əsos qıləy mıştəirkə əməliyot mərkəzi ojə karde barədə ruzi bıən.

Ankaraədə Amerkə səfarətxonə həm qıləy bəyaniyə ədə təsdiğış karde ki Suriyə şimalədə əmnə məntəğəicod karde xoto ixtilafon muzakirə vasitə həl be.

Im saziş qıləy şərayetədə təsdiğ bıə ki Suriyə xarıci vəzarətxonə təkidış karde ki jıqonə hərəkəton bə Suriyə ərazi təmamiyət və hakımiyəti təcavuz karde iyən beynəl xalğ ğanuni ojə oşko ləğv karde hisob bıdə.

Suriyə xarıci vəzarətxonə elanış karde ki jıqonə hərəkəton vey xətərnok bıhranon icod kardedə və məntəğə iyən dınyo təhdid karde kənoədə bə Suriyə bıhrani həl bey hiç komək ni bəkay.

Əmmo Suriyə hərbion tojə muvəffəğə əməliyatonku xəbə ome ki ərtış zinə Həmah ostani şimalədə bə Edleb ostani cənub məntəğəon varid bin və ısət ım məntəğədə Cəhbətol Nosrə terroristiyə qrup tam muhasirə ədəy.