Tırkiyədə anti Kırd hərəkəton dəvom kardedə.

Tırkiyə nakonə prezident Əbdullah Qul ım kişvəri 3 qılə Kırdə şəhron şəhrdoron bə kəno noe tənğidış karde və jıqonə hərəkəton anti demokratik prinsipon hərəkət zınəş be.

Tırkiyə nakonə i minə vəzir həm Diyarbəkr, Mardin və Van Kırdə şəhron şəhrdoron hıkmi ləğv karde qıləy diktatori ğərol hisobış karde.

Əhməd Davod Oğlo ım ğəroli barədə təkidış karde ki jıqonə siyasəton de terrorizm mubarizə barədə səy-cəhdon zəifəkəy.

Im qılə holədəy ki Rəcəb Təyyeb Ərdoğani dıvləti rəsmi şəxson Əhməd Davod Oğlo və Əbdullah Ğuli jıqo tənğidon bəpeştə əvoni deşmənon cəmədə hisob kardışone.

Tırkiyə Xalığ Respublika iyən Xalığ demokratik partiya həm Tırkiyə dıvləti tojə ğəroli milləti iradəon ləğvəkə hərəkət hisob kardışone ki bə demokratiya prinsipon iyən milləti həx-huğuği zid bıə peqardımon zınə bıdə.