Azərbaycan Respublikaədə Aşura bəpe tətilə ruj elan bıbu.

Azərbaycan Respublika cumə dini cəmiyəti lider ım kişvərədə Aşura ruji bənə rəsmi tətilə ruj elan bey tələbış karde.

Bə Nur Az sayti raporti əsos, Hac İlğar İbrahimoğlo Azərbaycan Respublikaədə Aşura ruji bənə tətilə ruji elan karde ım kişvəri milləti həx və tələb zınəş be və votışe: de Aşura ruji tətil bey millət karde bəznin İmom Husein(ə) ğiyami yodi oqəteyro əzudorətion çok dəvonon.

Əv bə Əhle Beyt(ə) aşiğ mande çı Azərbaycan Respublika milləti vey məxsusə xususiyət zınəş be və əlovəş karde: Boku, Ğəncə, Ağdam, Lankon və har vırədə ki islami mədəniyəti əsəron bıbun Məhərrəm və Səfərə manqi əzodorəti mərasimon bərpo bıdə.

Azərbaycan Respublika cumə dini cəmiyəti lider anti Məhərrəm hərəkəton və əzodorətion kam əhəmiyyət nışo doe xoto bevəcə təbliğon çı səvet hukuməti irs və bə həmonə əğidə vabəstə bıə kəson hərəkət zınəş be və islam dini ijən bəji bey vədə jıqonə təğib və dışmənətion qıləy adi reaksiya zınəş be.

Hoci İlğar İbrahimoğlo bə cıvonon iyən Huseyni məktəb aşiğ bıə kəson tovsiyəş karde ki Aşuraku çımiku vey zıne və ım ğiyami nığıl dərk karde xoto bə islam dini yolə alimon əsər və kitobon əcumlə mərhum Ayətullah Motəhhəri muraciət bıkon.