Qurcıstani i minə vəzir əvəz be; cəmaəti etiroz aksiyaon.

Qurcıstani hakimə partiya rəis ım kişvəri tojə i minə vəziri vıjniyeku xəbəş do.

Bə İrib raporti əsos ım təhəvolaton vasitə istifo doe i minə vəzir Mamoka Baxtadzre əvəzi Qeorqi Qaxariya bənə i minə vəzir elan be.

Baxtadzre i soriku çand manq bə kam be ki Qurcıstanədə i minə vəzir be.

Əv iddeoş karde ki ım kırtə zəmonədə dıvləti hədəfon xususi bə strateqiyaon əsos inkişof sahədə çok əməlış karde və ijən kişvərədə çəy mudiriyət lazim ni.

Baxtadzre iddea əks məvuji dıvləti muxalif qrupon ım əvəzon pidəşon ni və parlamenti vədə etiroz aksiya dəvoniyəşone.

Əvon jıqo votədən ki dəvardə İyonə manqi etiroz aksiyaonədə tojə i minə vəzir Qeorqi Qaxariya bə etırazəkəyon həmlə karde icozə əmri sadir kardəş be.