Ərbəine Huseyni(ə) zairon 1 minnə kərvon bə İron daxil be.

Ərbəine Huseyni(ə) 1 minnə xariciyə kərvon zinə qıləy şərayetədə ki məhəlliyə məsul şəxson de ojə kəşon bə çəvon və beşin,Ostoro sərhəddiku bə İron omin.

Bə İRNA xəbon əsosi  Ostoroədə bıə Ərbəine Huseyni(ə) təşkilati istiğbal komitə məsul şəxs Cəmşid Məhdəvi votəyon əsosi  Ərbəine Huseyni (ə) 100 qılə xariciyə zaironku de 2 qılə aftobosi Azərbaycan Respublikaku,Ostoro sərhəddiku bə İron daxil bən.

Məhdəvi işarəş karde ki dəvardə sori 12 həzo nəfər Ərbəine Huseyni(ə) xariciyə zaironku Ostoro sərhəddiku bə İron daxil bən və jıqo hisobış karde ki ımsor çəvon ədəd bə 15 həzo nəfər bırəso.

Ostoro sərhəddiyə şəhrestan İroni 3 minnə sərhədde ki çəyo həmməysə ve şe-ome əncom bedə və ha sor bə 800 həzo nəfəri nezi daxili və xarici musafir çı sərhəddiku Şe-ome kardən.

Ərbəine Huseyni(ə) piyodə şemon ki mıslmonon tədbirədə icra bedə ərbəinı rujədə Kərbəloədə bəştə əzəməti barzə səth rəsedə və dınyoədə həmməysə yolə qırdbemon nomış qətə.