Məntəğə mıvzoon barədə Ruhani-Putini miyono muzakirəon.

Avrasiya iğtisodi itifoği iclosi kənoədə Həsən Ruhani və Veladimier Putin muxtəlif məntəğə, 2 tərəfi və beynəl xalğ məsələon barədə sohbət kardışone.

Həsən Ruhani ım vindemonədə ətomiyə sazışi bənə molti lateralizim diplomatik movəffəğə olqo hisobış karde və votışe: ım sazışi movəffəğiyəti idomə bə muğavilə həmmə imzaəkəyon tərəfo ehdəmonon rioyət karde vabəstəy.

Ruhani Asiya ğərbədə stabiləti və sulhi oqəte İroni rəsmi siyasət zınəş be və votışe: Fars dıyoədə sulh və əmniyyət iyən Hormuz tanqədə stabiləti fəğət de məntəğə kişvəron iştiroki təmin bıdə.

İroni prezident Hormuz nomo bıə sulh təklif doe Fars dıyo hamsoyə kişvəron əmniyyəti təminəkə zınəş be və votışe: ım plan və loyhe enerji əmniyyət, dıyo nəğliyot və nat sahədə tranziti bo həmmə kişvəronro şomil bıdə.

Rusiyə prezident Veladimier Putin həm ım vindemonədə ətomiyə muğaviləku ijən himoyədortiş karde və bə ım muğavilə oqətey xoto Moskva həmmə səy və cəhdon dəvom təkidış ka.

Putin, Avrasiya iğtisodi mıbodiləonədə İroni rəsmi iştiroki, məntəğə inkişof və intiqrasiya zəminəon icodəkə bəyonış karde.

2 tərəf Moskva-Tehroni miyono əloğəon inkişof iyən Hormuz nomo bıə sulh təklif doe plani barədə muzakirə kardışone.