İron və Azərbaycan Respublika miyono iğtisadi əloğəon inkişof.

İroni iğtisod vəzir və Azərbaycan Respublikaku iyən sosial rifoh vəzir bə mədəni iyən kanə təcrubəon əsos bıə iğtisodi həmkarion təkid kardışone.

Bə İrib raporti əsos, Fərhad Dejpəsənd zinə de Sahil Babayof vindımon karde mədəni və kanə əloğə iyən rişəonış bo iğtisodi və ticari mıştərik fəaliyəton zəminə iyən muğəddəmə hisobış karde ki bənə təhrikəkə amil koməkəkəy.

Dejpəsənd bə İron və Azərbaycan Respublika miyono iğtisodi həmkarion inkişofi lazim bey təkid və əlovəş karde: İronədə Qomrok maliyə, bimə iyən sərmoyə noe xoto vey zəminəon hestin ki mıştərik həmkarion icodəkəy.

Sahil Babayof həm bə İron və Azərbaycan Respublika miyono bıə mıştərik din, zıvon, tarix və mədəniyət işorə və təkidış karde: İron və Azərbaycan Respublika prezidenton miyono bıə dəvardə 5 sori mıddətədə vindemonon Tehron Boku həmkarion nığləti nımunəy.

Əv bə 2 qılə kişvəri iğtisodi həmkarion və ticarəti 70 faiz inkişof işorə və əlovəş karde: iğtisodi mıştərik kamissiya çərçivədə həmkarion bə ım sahədə əloğəon hevujəti sorətədəy.