Ermənistan Azərbaycan Respublika əskəron cənazə oqırdınedə ni.
Azərbaycan Respublika əskəron kışteku 4 ruj dəvarde bəpeştə Ermənistan cənazəon oqırdıneku imtina kardə.
Boku şəhriku bə telerədyo aqentəti xəbon əsosi Azərbaycan Respublika əsiron canqi avərəon iyən qin bə kəson kamisiya elanış kardə qıləy şərayetdə ki beynəlxalğə qrupon tojə təşkil bə dave nəicədə kıştə bıə azəriyə əskəron oqırdıneyu muraciətışon kardə əmmo Ermənistan curbəcurə vavunə iyən be əsosə sıxanonədə cənazəon dodə ni ya çəvon oqırdıne bə domo eğandedə.
ım kamisiya əlavəş kard de təəssufi beynəlxalğə ictimaiyyəton həm desbə ısət Ermənistanı ım ğeyre insoniyə hərəkəti vədə tamışon jə və jıqo qıləy şərayetdə əmə cənazəon oqırdıneyu bə hərəkətimon.
ım azəriyə əskəron dekabri 29 nə ruji daveədə kıştə bən. və Azərbaycan Respublika mıdofiyə vəzorətxonə cənazəon təhvil se xoto bə Minsk qrup iyən bə ım qrupi rəis rəsmiyə holətədə məktubış nıvıştə.