Ərəbistoni bə Pakiston fişar-təziğ varde dəvom kardedə.

Tırkiyə prezident Ərəbistoni hakimon bə Pakiston fişar-təziğ varde Malaziya iclosədə Umran Xani iştirok nıkarde illət zınəş be.

Bə Anatoli raporti əsos, Rəcəb Təyyeb Ərdoğan Malaziya paytəxtədə islamiyə kişvəron lideron tojə iclosi oxoyədə votışe: Səudiyə rejimi hakimon Pakistoni təziğ jentonədə noeşon be ki Umran Xan islamiyə həmkari iclosədə iştirok nıko.

Tırkiyə prezident təkidış ka: Ərəbiston təhdid kardəş be ki əqə Pakistoni  iminə vəzir Malaziya iclosədə iştirokış bıbu Ərəbiston həm maliyə cəhəto Pakistonədə ıştə sərmoyəon kam bəkarde və Ərəbistonədə 4 milyonku əkə fəhləon ixroc bəkay.

Ərdoğan votışe: Pakiston həm iğtisodi bıhranon xoto məcbur be Ərəbistoni fişaron vədə təslim bıbu və ıştə xarıci vəziri bə iclos bıvığandi.

Ərəbistoni jıqo i tərəfi təfrəğə icodəkə hərəkəton qıləy şərayetədə be ki Malaziya iclosədə Tırkiyə, Ğətər və İron bənə islami vey muhimmə kişvəron ali səthədə iştirok kardışone.

Məvuji Malaziya i minə vəzir Ərəbiston və İ Bıə Ərəb Əmirətion bə ım iclos dəvətış nıkardə be.

Ərəbistoni Ələrəb rujnomə çı Mahatir Muhəmmədi ım ğəroli Ərəbiston və İ Bıə Ərəb Əmirətion siyasətonku noruzi bey nımunə bə hisobış varde və Koalalamporədə iclosi tənğidış karde.

Im rujnomə, Ğətəri kırali iştiroki tovış nıvarde.