Kalion İron və Azərbaycan Respublika miyono behron icod karde fikədən.
Azərbaycan Respublika beynəl xalğ əloğəon mərkəzi yol votışe: i dastə həmişə İron və Azərbaycan Respublika əloğəon miyono behron soxtero cəhd kardən.
Bə İrna raporti əsos Fərid Şəfiyev bə Azəri mediyaonədə tojə ğilo ğal iyən xəbəon işorə və təkidış karde: İroni tərəfo xodafərin və ğenz ğələ sisədon soxte plan qıləy tojə məsələ ni.
Azərbaycan Respublika bəzi mediyaon ki Tehron-Boku miyono əloğəon xərob kardero cəhd kardən tojədən Ərəsiru səpe ım 2 qılə sədi soxtə iyən pardon loyhə və planiku sui-istifodə kardışone və jıqo təhlil kardən ki Tehron de həminə pardon bə Ğərəboği separatçiyon komək karde ğəsdış ni.
Əvon hətto iddeo kardən ki ım sədo pardon ome zəmonədə Azərbaycan Respublikaədə uvizi bois bəbe.
Fərid Şəfiyev bə ım muğavilə 4 sor çımi bənav əza bey işorə və təkidış karde: məlom ni və insoni təəcubi bois bıdə ki boçi qıləy muğavilə 4 sor bəpeştə jıqo muxalifon diğğəti bəştə tərəf cəlbış karde.
