Ərağçi:İroni de AİŞ bıə problem vositəçi ni,Vaşinqtoni irrasiyonalə nəzəy

Pars Tudey-İroni Xarici Koon Vəzir:Əsosə maneə çı Amerkə irrasiyonal,həddiku ziyodə və heqemonə nəzəy ki,çanədə ki,ım ro əvəz bıəni və bə İroni millət və mənafeyon hurmət nıno bın royədə navşemoni imkon nibəbe.

Pars Tudey bə İroni Tele-Rədyo Korporasiya istinodən məlumot doydə ki,pencşambə ruji Vaşinqtonədə de Donald Trampi vindemon kardə və ıştə dıminə xarici səfə bə Tehron kardə bə İraği Sər vəzir Əli Faleh Əz-Zeydi navi beşey mərosimi çərçivədə çı İroni Xarici Koon Vəzir Seyd Əbbos Ərağçi çı Vaşinqtoni mesaji de İraği Sər vəziri vositə bə Tehroni rosney anqıl fərziyyəon mınosibətış nışon doə və bəyonış kardə:"Əv,bə Vaşinqtoni səfəş kardə və de ın səfə əloğədor ıştə fikon və dərəsəyon bəmə rosney təbiyiye;In,təmomən qıləy normalə məsələy.Çımonsə əlovə, bənə vositəçi de Amerkə qıləy problemımon ni.In roli ifo kardey zınə kifoyət ğədərədə inson heste və mesaji mıbodilədə əslədə hiç qıləy problemış ni.Əsosə problem çe Amerkə nəzə nevi bey təkid kardə Ərağçi votəşe:"Im,de İroni İslomi Respublikə zumandə nəzə dimbədim omə beməntığ,həddiku əlovə və heqemonə nəzəy.Amerkə tərəf bə İroni milləti və bəçəvon mənafeyon hurmət kardeyku co qıləy ro nıbey nıdərəsə mıddətədə,təbiyie ki,bın cəhət iyən istiğomətədə bo navşemoniro hiç qıləy əsos nibəbe.In məsələ mesaj və ya cəvob tələb kardedəni;ım bo AİŞ-on siyosəti sənibəton çe nəzəku dəvordıneyro kifoyəte.