İron və Azərbaycan Respublika deşmınon xəbisə plan məğlub bənine.

Azərbaycan Respublikaədə bıə İroni səfir votışe: İron və Azərbaycan Respublika əloğəonədə problem icodəkəyon plan məğlub bənine.

Cəvad Cəhanqirzodə ıştə tojə mısohibədə bə Korona şərayetədə kişvəron miyono ticari əloğəon tikəy kam bey işorəş karde və votışe: de xoşbəxtiyəti bo ticarət və tranzitiro İron və Azərbaycan Respublika sərhəddon ojin.

Cəhanqirzadə Ərəsiru səpe 2 qılə səddon soxtey barədə həm votışe 6ım 2 qılə loyhə barədə təsdiğ bıə muğavilə ijən nışoş do ki İron əmələdə bə Azərbaycan Respublika ərazi təmamiyyəti ehtırom noe ıştə ko zınəydə.

Azərbaycan Respublikaədə bıə İroni səfir əlovəş karde: İron və Azərbaycan Respublika miyono mıştərək proyekton sənəd hozzo bıə və çəmə miyono bıə həmkarionədə hiç kəs mıdoxilə karde əzı ni.

Əv Ğərəboği bıhrani barədə həm bə solhinə roon təkid və təsdiğış karde ki ım mınoğişə mıddət vey dıroz bıə əmmo 2 tərəf karde bəznen de İron və Rusiyə koməki iyən İ Bıə Milləton Təşkilati nəzorət və Azərbaycan Respublika ərazi təmamiyyəti çərçivədə bıhrani həl kon, əmmo xəbəon sərhədə tojə daveonku hikayət kardedə.

Məvoji zinə tovuz sərhədə Ermənion bə Azəri hərbiçiyon həmlə kardəşone ki ım həmlədə 2 nəfər çı Azəri ğıvvon kıştə və 5 nəfər zəxmin bıən.