Azərbaycan Respublika hərbi ğıvvon ixtiorədə bıə rəketon bekeyfiyətin.

Amerkə qıləy rujnomə ifşoş karde ki israiliku Azərbaycan respublika hıryə rəketon vey dəğiğ nin iyən besəmərin.

Bə İroni Erməni Rədio raporti əsos, Amerka Forbes jurnali ıştə tojə numrədə nıveşteşe: israili ım rəketon dəğiğ nin, əvon hətto qıləy kə hədəf qəte karde nibəznen.

Forbes tojə daveonədə bə Ermanestoni ətom mərkəzon həmlə karde xoto Azərbaycan Respublika təhdidi vey niqəronəkə bə hisobış varde.

Azərbaycan Respublika mudafiyə vezarətxonə sıxanəvon Vağif Dərqiaxli tojədən təhdidış karde ki Boku de vey dəğiğ rəketon bə Ermanistoni Metsamor nomo ətom mərkəzi həmlə karde bəzne ki ım ko vey faciyəvi şərayeti icod bəkarde.

Ğərəboği Tovuz sərhəd məntəğədə Azərbaycon Respublika iyən Ermanistoni miyono tojə dıvrə daveon ki Davərdə haftəku bino bıə hələ həm dəvom kardedə iyən çandə tələfoti bois bıə.

Azərbaycan Respublika və Ermənistoni miyono Ğərəboği barədə davoon 1988 nə-soriku bino be və 1992-nə sorədə bə hərbi navi qəte iyən otəş bast muvafiğ omə.

Im canqi nəticəku Ermanistoni hərbion çı Azərbaycan Respublika Ğərəboğ məntəğə iyən 7 qılə hamsuyə şəhrestanon işğal kardeşone.