Amerkə boçi Ğərəboği daveon barədə sukutış karde?

Karenqi nomo bıə mərkəz Ğərəboği daveon barədə Amerkə sukut siyosəti tənğidış karde.

Bə Erməni Rədio raporti əsos, Karenqi nomo bıə politikal mərkəz koşınas, Pol Steronski de qıləy məğalə bə Azərbaycan Respublika iyən Ermənistoni miyono bıə mınoğişədə İroni rol və mısbət vositəçiyəti işarə və təkidış karde: Trampi prezident beyku 4 sor bəpeştə hələ həm vaşinqtoni siyosəton Ğəfğaz Cənub məntəğə barədə elan bıə ni.

Məğalə dəvomədə Amerkəvıjə Ermənion aniti Azərbaycan Respublika eteraz aksiaon barədə mətləbon ğeyd bıə iyən təsdiğ be ki Ğərəboğədə bıə dəvardə rujonədə xuninə daveon barədə Amerkə sukut nışo doydə ki Amerkə bə ım məsələ bənə qıləy muhimmə mıvzo diyə karde ğəsdış ni.

İroni xarıci vəzir Muhəmməd Cəvad Zərif tojədən bə Azərbaycan Respublika  və həm bə Ermənistoni xarıci vəziron zanqış karde və 2 tərəfonku pidəş be ki votımonon prossesi bino karde xoto Ğərəboğədə canq iyən dave şiddətiku kam kon.

Çimi bənav Amerkə Ermənion milli kamissiya Amerkə bə Azərbaycan Respublika hərbi koməkon barədə həm ıştə niqəroni elan iyən bəyoniyə vositə ğeydış kardə be: çəmə niqəronəti ıme ki Amerkə bə Azərbaycan Respublika hərbi koməkon çı Azərboyconi canq təchizot iyən taktika ğabeliyəti ziyod karde vositə Ermənistoni sərhədədə tojə təhdidon bois bıbu.

Ğərəboği Tovuz sərhəd məntəğədə Azərbaycon Respublika iyən Ermanistoni miyono tojə dıvrə daveon ki Davərdə haftəku bino bıə hələ həm dəvom kardedə iyən çandə tələfoti bois bıə.

Azərbaycan Respublika və Ermənistoni miyono Ğərəboği barədə davoon 1988 nə-soriku bino be və 1992-nə sorədə bə hərbi navi qəte iyən otəş bast muvafiğ omə.

Im canqi nəticəku Ermanistoni hərbion çı Azərbaycan Respublika Ğərəboğ məntəğə iyən 7 qılə hamsuyə şəhrestanon işğal kardeşone.