Azərbaycan Respublika iyən Tırkiyə mıştərək hərbi manevri barədə Ermənistoni etiroz.

Ermənistoni xarıci vəzarətxonə elanış karde ki məntəğədə Azərbaycan Respublika iyən Tırkiyə mıştərək hərbi manevr qələy təhrikəkə ğərole ki sulhi təhdid kardedə.

Bə təsnim aqentiyəti raporti əsos, Ermənistoni xarıci vəzarətxonə sıxanəvot Ana Naqdalian votışe: Azərbaycan Respublika ım ğərol bə sulh dast peydo karde xoto harcurnə beynəl-xalğ vositəçiyətion mane bıdə.

Əv təkidış karde: Azərbaycan Respublika bəpe bo otəşbasti zumandəti mıəyyən koon əncom bıdə ta itərəf muzakirəon ijən bino bıbu və co tərəf  məntəğədə sulhi prossesədə inkişof və çokə ğədəmon şohid bıbəmon.

Ğərəboği Tovuz məntəğədə Azərbaycon Respublika iyən Ermanistoni miyono tojə dıvrə daveon cəryonədə 2 tərəf xususi Azərbaycon Respublika hərbiçion iyən ğeyre hərbion tələfoti bois bıə.

Ğərəboği davoon 1988 nə-soriku bino be və 1992-nə sorədə de otəş bast zahirən sıə be.

Im canqi nəticədə Ermaniston çı Azərbaycan Respublika Ğərəboğ bandiyə məntəğə iyən 7 qılə çı hamsuyə şəhrestanon işğalış karde.