Qiloniku 600 həzo toniku vey əmtəə ixracat

Qilon sənət, ticorət və məədoni mudir votışe: Qiloni ixrocəkəyon, 605 həzo ton əmtəə de 300 həzo milyon dollariku vey erj ım ostaniku bə co qılə kişvəron ixroc kardışone.

Bə Qiloni Tele-Rədyo aqentiyəti raporti əsos, Teymor Purheydəri de işorə bə Qiloniku 605 həzo ton ixrocati məhsulon ijən votışe: ım ixracati erj 343 həzo milyon dollar proqonoz bıə.

Əv de işorə bə iğtisodi inkişofədə bə ixracati rol, ijən əlovəş kardə: bə Rusiyə, Azərbaycan Respublika, Ğəzaxıston, Qurcıston, Əfğanıston, Ukrayna, Tırkməniston və Blarus, ixracati məhsulon ixroc bıən.

Qilon sənət, ticorət və məədoni sədr ijən təsdiğış kardə: sanksiyaon, qumrki koon və həmohənqi nıbey, məhsulon keyfiyət, ticorəti təlimon, xarıci zıvoni məhorət, vəluta əvəzon və vəluta ovoştoniye məhdudiyəton, əcumlə ixracati kali behrononin.