İroni Kimya sahədə bıə alim,Fatmə Fərcadyan

Pars Tudey-Xanım Fatmə Fərcadyan İroni Kimya sahədə bıə alime ki,Şirazi şəhri əhliku iyən 43 sinnış heste və çe dınyo barzə alimon 2 fayiz bıə şəxsonku bə hisob omeydə.

Fərcadyan ki,ıştə təhsili dərəcəonış həmmə İronədə dəvordınəşe votedə:”Almaniyə Duyisburq Essen Universitetədə qıləy mıtoliyə fırsətım pəydo karde və həmçinin ikərə həm bə İnqilsitoni Kembric Universiteti Nano elmon təhğiğot mərkəzi osəm ğande və hozı-hozzıyədə həm çe İroni Şirazi şəhri Tibbi Elmon Universitetədə Farmasevt iyən Əczoəçəti Elmon Təhğiğot Mərkəzi dosentim”.

Məsmum iyən zəhrin bıə kəson molicədə qıləy nuyə nəzəş nışon doe.Fərcadyan ıştə elmi-təhğiğoti fəoliyyət koon həxədə həm sehbət kardedə və votedə:”Milodi 2007-ə soriku de Nano tərkibon sintezi oşno bim iyən boçəy hozzı kardey koy binom karde.ıştə koy əsliyə təmərkuzım çe nano onemoni peyo nome ki,ın tərkibon mıxtəlifə funkisyəonış bey bəzıne.min cumlə bo katalizon,bənə damoni iyən əczoçəti kırnəyon unvoni və bənə antidoton unvoni istifodə kardey bıbu”.

Əy əlovəş karde:Milodi 2013-ə soriku ki,bə Şirazi şəhri Tibbi Elmon Universiteti daxil bim,ıştə koy əsosım bəsə çe nano onemoni peyo nome ki,tibbi elmonədə qıləy funksiyəş bıbu.

İroni ın alimə banu əlovəş kardə:Milodi 2016-ə sori çe Sprinqeri intişoratədə “Polimer və smartə puşniyəon sənaye funksiyə” kitobədə de”Ağılmandə nano-mıhəndisəti hoston bə damon rosney stimuli  cəvobdehəti” unvoni bıə kitobi fəsldə bıə iştiroki ovandətim pəydo karde.ın təlif bəçımı çe ağılmandə tərkibon hozzı kardeyədə bıə təhğiği koon bino kardey qılıəy vəsə və mığəddəimə be.

Bə innovativ soxtemoni iyən bə nuyə tətbiği malik kompozisiyəon

In alimi bə de nuyə damoni məhsulon nuyə tərkibi istehsoli işorə kardə holədə bəyonış karde:deçımı təvəssıti icro bıə iyən istifodə bıə proyektonədə bıə tərkibon,bə innovativ soxtemoni iyən bə nuyə tətbiği malik bıə.

Əv,bəyonış kardə:Ağılmandə hidroqenon ki,çəmə təhğiğotonədə təğdım kardey be,bə biyomıtobiğ strukturon malike ki,hədəfinə surətədə bə vəhmi noxəşəti bofton damon rosneyədə oko doey beydən,ın tərkibon bə solimə bofton hiç qıləy zərəl nırosnə holədə,barzə riskinə damoni,bənə temperaturi əvəz beyvə ya tırşəti bıə xərçənqi huceyrəonədə mevcud bıə stimulon əsosən,mıvofiğə boftədə ozod vodoey beydə.

Klinik ko mərhələdə bırzi həbi antidot

Əy dəvomış doe:bırzi həbi antidote zəminədə qıləy innovasiyə bə əməl ome və bın zəminədə bıə nəticə nışon doey bıə ki,çı Klinik testi mərhələdəy.

Aluminium fosfid zəhrinəti dınyo qırd vıronədə məxsusən çe Hindi niməcəzirədə qıləy dıjdə problem iyən bəy kam işorə kardə bıə məsələy.əv,ki ısət çe dınyo de istinodi pur bıə muhəğğiğonku qıləyni bıə,çın səbarzəti səbəbon jıqo bəyon kardedə:bə nano onemoni tərkibon sahədə bıə təhğiğon iyən dınyo səviyyədə ziyodə ovardon bə ın təhğiğon be,çımı nom çe dınyo de istinodi pur bıə 2 fayiznə muhəğğiğə fərdonku qıləyni listədə ğərolış qəte.ın siyohi de Stenford Unversteti alimon təvəssıti və bə tərkibi isndekson əsos bıə de Skepus elmi indeksi bərrəsi iyən təhğiğoton elon kardey bıə.

Çımı vətəni bəmı bıə ğarz bəçımı mıhocirət kardey səbəb be

Fərcadyan bo miqrasiyəro fırsətonku de tobə bəştə moəku bıə sərzəmini xıdməti eşği həxədə həm sehbətış karde və voteşe:yəğınən bo alimon çe mıhocirəti imkon mevcude.ın mevğıyyət çandə kərə bomı həm hozzı be,əmmo bəştə koyədə məsuliyyət ğəbul kardey hissi iyən bəştə vətəni bıə ğarzi xoto,az çın koyku sərfı-nəzəm karde və ımım ğəbul nıkarde.

Xıyzon əsliyə təşviğəkəy

Şirazi Tibbi Elmon Universiteti professor,ıştə əsliyə təşviğəkə,ıştə xıyzonış zıne və izohış doe:çımı əsliyə təşviğəkəyon,çımı mərhumə dədə,çımı inə,çımı bıvon iyən çımı jimoni həmro bıən.

In mətləbon çe Fars xəbə aqentətiku peqətey bıə.