Bə Şəhodət iyən muğavimət, qıləy sivilizasiya nəzə
Boçi bə Əhle Beyt(ə)-i aid bıə həxtələbə hərəkəton məhv nibəben?
Əzizə həmzıvonon, “ Nəsruminəllah və muğaviməti ayəndə” nomo vebinari iclosədə ki de İslomi mədəniyət və elmon təhğiğiyə mərkəzi iştimoiyəti və sivilizasiya mıtoliəon təhğiğiyə mərkəz və siyosi fik iyən elmon təhğiğiyə mərkəzi cəhdi bərpo bıə, İslomi elmon və mədəniyəti təhğiğiyə mərkəzi elmi heyəti uzv və dosent, Huccətullah Vəl muslimin Həbibullah Babayi muğaviməti komandiron şəhodət iyən muğaviməti şəhidon əğə, Seyd Həsən Nəsrullah şəhodəti təsliyət votey bəpeşt, votışe: ımruj İslomi ummət, məntəğə səviyədə vey yolə şəxson bə rəhmət şey əzodore. İjən islomi dınyo ımrujnə dumoyəndı hodisəon təbrik ərz kardedəm ki məntəğə və dınyo səviyədə sultə nizom və sionist rejimi zəyifəti cəhətədə icod bıə.
Əv bo qıləy hərəkəti icod beyro bə elmi ilohiyat və nə ım ki bə zehni sıxanon işorə iyən bəyonış kardə: islomi bəpeşt iyən İslomi torixədə yolə şəhidonku bəpeşt icod bıə çi ıme ki əmə əmələdə de jimon və maqi ilahiyatiku i nev dim bə dimin ki bə nəzə rəse ki çəmə fikədə, ijən çmə dılonədə, ım jimon və maqi ilahiyaton məhdud mandə ni bəlkəm təsirinə iştimoiyəti dırozi peydoş kardə.
Əv sivilizasiyaon icod beyədə bə maqon vəzni təkid iyən təsdiğış kardə: əsosədə islom torixədə şəhodət, bə mandey, be hərəkət bey iyən məğlubiyət oxoy rəsə nibəbe, boçi ki şəhid və şəhodət, ulqu soxtey ko əncom dodə, ım noxtə şəhodəti ziyod kardeye, jəğo ki Qeneral Ğasım Suleymani, şəhid Nəsrullah və co qılə şəhidon şəhodəti bəpeşt çəvon ziyod bey şoyd hestimon.
Im ulqu boyis bəbe ta İslomi iştimoiyətədə, tojə cəmiyət iyən vey muxatəbon ıştə roy əvəz bıkon və əmələdə tojə rəhbəron xəlğ kardedə. Im noxtəonku qıləynie ki əmələdə şəhid bənə qıləy ilohiyoti ko və şəhodət bənə qıləy ilohiyoti fenomen, iştimoiyəti sahədə inkişof peydo kardedə və şhidi ulqu bey kənoədə, iştimoiyəti fenomen iştimoiyətədə, bənə bə şəhodəti oruzu iyən təmənno iyən bə şəhid bey irodə icod beydə.
Qiromi dəmə bə ico bıə kəson, Huccətullah Babai ijən de təkid bə ım ki demi həm muğaviməti cərəyon, muğaviməti rəhbəron həm məşhur iyən beynəlxalğə bəben ijən votışe: həmonə zəmon ki dınyo qıləy vırəku qıləy Rəhbər şəhid bıdə, muğaviməti həmmə dınyoədə teyliyə vırə hiss bıdə çən bo qıləy yolə merd bənə Seyd Həsən Nəsrullah, İron, Yəmən, İrağ və Fələstinədə əzodorəti kardedən. Və co qılə vırədə vindeydəmon ki dınyoədə qıləy Rəhbər karde bəzne çəy rəhbəri teyliyə vırə pur bıko, ısət mumkine ım rəhbər İronədə bıbu ya Yəmən və ya İrağədə.
Bə co qıləy sıxani əsos, muğaviməti Rəhbəron hissədə, beynəlxalğ bey, əmələdə muğaviməti rəhbəri sıxan, məxsusə kişvər və coqrafiya holətiku xarıc kardəşe və bə qıləy qlobal fenomen təbdilış kardə çən muğavimətədə Rəhbəri baxşədə hoston surətədə, teyliyə vırə imkonış ni.