Yəhya İbreym Həsən Əssinvar
Yəhya İbreym Həsən Əssinvar
Yəhya İbreym Həsən Əssinvar
Yəhya İbreym Həsən Əssinvari barzə xıslətonku qıləyni,çəy əməliyyoti koordinasiyədə iyən stratejikə ğərolon bekardeyədə bıə barzə ğudrət be.zindoniku ozod bey bədiqə Əssinvar deştə diroyə və zəko çe Həmasi mıdofiyə ğudrətış vey zumandə şikilədə barzış karde.çe mığoviməti cəbhə ın ğəhrəmonə rəhbər,de dəvardə canqon təcrubəonku oko doey iyən çe daxili məhdudə mənbəonku bəhrə bardə holədə,çe Fələstıni mığoviməti mıxtəlifə xıçəon jıqo səbəro kardeyış zıne ki,Ğudsi işğaləkə rejim de nuyə hərbi problemon dimbədim ome.Əssinvari çe rəhbərəti məğamədə bə dast vardə dıjdə noliyyətonku qıləyni,bumi iyən de dasti soxtə bıə rəketon istehsoli zu ziyod kardey be.
Yəhya İbreym Həsən Əssinvar ıştə çe mığoviməti cəbhədə bıə devroni dırozi,hejo səyış karde ta çe Fələstıni mığoviməti qrupon miyono qıləy həmrayəti və vəhdət icod bıko.beynəlxalğə arenədə həm bo Fələstıni mığoviməti qlobal himoyəon cəlb kardero təsirinə rolış ifo karde.əv,de məntəğə kişfəron rabitə bastey roy iyən bo mığoviməti cəbhə siyosi iyən moliyyə dastəkon cəlb kardero bıə səyon,çe Fələstınıjon vırəş dınyo səviyyədə zumand kardeyış zıne.
Əmmo hərbi ərsəku əlovə,Yəhya Əssinvar bənə qıləy milli rəhbəri unvoni həm ziyodə məhdudiyyətonış hestebe.əv,dayima bə Ğəzzə tanqə mərdumi muşkiloton qıləy xısusi dığğətış hestebe və cəhd kardedəbe ta mıhosirə saxtə şərayitədə bə Fələstınıjon jimoni şərayiti çok bey koməq kardedəbe.Faynenşel Taymz rujnomə ıştə hisoboton qıləyniyədə etırofış kardə ki,Əssinvar Ğəzzə tanqədə bə qıləy əfsonəvi personeji təbdil bıə iyən Fələstınıjon veyni deəy fəxr kardedən iyən çe Fələstınıjon miyono çəy qıləy barzə səviyyədə bıə mahbubiyyətış heste.
Hərbi ərsədə həm çe Yəhya Əssinvari barzə hərəkətonku qıləyni canqi taktikəon inkişof iyən bə işğalqərə sehyonist rejimi ələyh bıə mıborizəonədə çe nuyə texnoloqiyəonku istifodə kardey be.əv,de de droni həmləon inkişofi iyən çe modernə texnoloqiyəonku istifodə kardey,israyili ğəsbkorə rejimi ləşkərış de nuyə hərbi təzyiğon dimbədim vardeyış zıne.
Yəhya Əssinvari rəşodət iyən istiğoməton,əvış bə mığoviməti simvol iyən bə Fələstıni milləti dılonədə çe mığovimət iyən sabitğədəməti məzhəri təbdilış karde.əv,de qıləy zumandə ruhiyyə iyən ğoymə əzmi,hejo bə Fələstıni milləti həxon mıdofiyə ko təkid kardedəbe və de hiç qıləy vəchi çe mığoviməti ideyalonku bə dumo penıkıre.Yəhya Əssinvar çandə kərə elonış karde ki,çe Fələstınıjon mıborizə koy de tobə işğal bıə sərzəminon komilə surətədə bıə ozodəti iyən fələstınıjə cəlaye-vətən bıə kəson oqardemoni zəmoni dəvom bədoe…
