Pars Today

HAMAS-i komandiri ğəhrəmonə şəhodəti dumoədə, Qilon ostandar və vəli fəğih nımoyəndə qıləy mıştərəkə mesaj ğəlibədə, HƏMAS-i siyosi ofisi rəyis, Yəhya Sinvari şəhodəti təsliyət votışone.

Bə Qiloni Tele-Rədio aqentiyəti raporti əsos, Qilonədə vəli Fəğih nımoyəndə, Ayətullah Rəsul Fəlahəti və Qiloni ostandar Doktor Hadi Həxşınosi mesajiku i baxş omə: şəhid Yəhya Sinvar, qıləy ğəhrəmon və yolə mıcohid be ki de mehkəmə irodə, tosə ıştə con, mıtəcovizə deşmoni zılm və sıtəmi vədə muğavimətış kardə iyən tosə oxonə ləzəon de deşmoni təhğir kardey vositə, bo həmmə  cihode fi səbilellah tərəfduronro, bə mıtəcovizi ələyh mubarizəku tojə fəsl soxtışe.