Əfğanıstoni şiə alimon şura: de muğaviməti komandiron şəhodəti, mubarizəon pərçəm bə zəmin eqıniyə nibəbe
Əfğanıstoni şiə alimon şura Fələstini islomi muğaviməti hərəkət(HƏMAS)-i siyosi ofisi rəyisi şəhodəti təbrik iyən təsliyət votışe iyən elonış kardə: de muğaviməti komandiron şəhodəti, mubarizəon pərçəm bə zəmin eqıniyə nibəbe.
Bə İrna raporti əsos, zinə Əfğanıstoni şiə alimon şura qıləy bəyoniyə ğəlibədə, Fələstini islomi muğaviməti hərəkət(HƏMAS)-i siyosi ofisi rəyis Yəhya Sinvari şəhodəti təbrik iyən təsliyət votışe iyən təsdiğış kardə: Sinvar jimoni əvvəliku, bo Beytulmuğəddəs, Fələstin və ım muğəddəsə sərzəmini mısılmonə sakinon kəromət iyən ehtıromi bəyji kardeyro ıştəni vəğfış kardə be.
Əfğanıstoni şiə alimon şura bəyoniyədə ijən omə: de muğaviməti komandiron şəhodəti, mubarizəon pərçəm bə zəmin eqıniyə nibəbe, jəğo ki ım həğiğət de Fələstin və Livani nakonə rəhbəron və komandiron terror kardey iyən Fələstinədə dəvardə 13 manqi mıddətədə etosniye və məhv kardey vositə oşko bıə.