Yəhya Sinvari ğəhrəmonə jimoni əbədiyə pardə
Fələstinı islomiyə mığavimət hərəkati siyasiyə dəftərxonə rəis Yəhya Senvar oktiyabri 16 minnə ruji Ğəzzə cənub Rəfəh şəhrədə de sionistə işğalqərə deşmen canq karde holədə bə şəhodət rəsə.
Yəhya Sinvar
Bəsə divanisə ləmış doə piyəmerd,çe dışmeni mıhosirədə ğərolış qətəbe,çe dışmeni cıvonə ğıvvon bayinki,qıləy xısusi təlıim vində ğıvvonku bin,çəy zəxminə coniku həm tarsedəbin və bənav şey curətışon nıbe.əve,de tanki bəçəy səmt qulləşon ğande,çəy çəpə zonuşon qırd hırd karde və çəy rostə dastışon həm qırd çe miyoniku bardəşonbe,əmmo ijən həm əv,təslim nıbe.
Çe dışmeni xısusi təlıim vində ğıvvon komandir səyış karde deştə ğıvvon çe pilləonku bəpe bışon iyən bə becon və zədəjə bıə komando ğalib bıbu,əmmo ın ğəhrəmonə merdi əvonış de ğumbarə əvonış bə dumo tojneşe.xuni emey iyən çı astəon darşiye,ın ğəhrəmonış becon haştəşbe.kvadrokopter bə bina daxil be ta bızıno ın təslim nıbə merd kiye?bəçəvon hətto zehni həm nıərəsi ki,çı Ələğsa Tufoni plani kəşə rəhbəri ısət çe neziku vindedən.fərmondə bayinki,coyli iyən zəxmin be,əmmo komilə surətədə de zırənqəti əməl kardedəbe.əy ıştə dimış de çəfyə ya həmonə şərfi puşniyəş be və de həmonə şiddətinə doji,ıştə dastə bıə yeqanə çiş bə həmonə kvadrokopteri səmt ğandeşe və əvış tojne.çe dışmeni snayperon bəçəy çəkuti qulləşon ğande,əmmo bəçəy dımisə hiç qıləy xun nırube.çumçıko,çəy dastiku de şiddəti xun eməbe və həni çəy bədənədə qıləy xun mandə nıbe.nəhoyətədə çe dışmeni tanki ijən həm bəçəy səmt qulləş ğande və dıminə mərtəbə bəsə əysə rıjiye.xısusi ğıvvon hənuz həm bə dıminə mərtəbədə bıə ğəhərmonə merdi nez mandey curətışon nıbe və əvışon jəqo həm vodoşone.iruj bəpeşt və həmmə çiyon orəxey bədiqə,bilaxirin bəpe şin və qıləy ğəhərmonışon vinde ki,ıştə siloh iyən dıvo kitobi kəno,bə şəhodəti məğami rəsə…
Senari və səhnə dekorasiyə əcibə surreale.çe ğıssə ğəhrəmon qıləy xərobə kalaşnikov avtomatış heste ki, məcbur mandə əy de elektrikə lent və kley dəçokno və de tosə ıştə xuni oxonə ğətrə de dışmeni canq bıko.bo filmi bə oxo rosnro dekorasiyə əcibe.ğəhrəmon,kə,divan ya mebel,siloh və həlbəttə dıvo kitob…
Hətto çe dışmeni ləşkəri sərbozon ki,çəy beconə bədəni kəno mandən,çəvon çehrəonədə həm hiç qıləy xoşholəti nışonəon mevcud ni.əvon fəğət çe heyrət və təəccıbi dılədə mandən.
