Kulli mığdarədə devlət vəsaiti təyinotiku bə kəno istifodə karde muəyyən bə.

Ramiz Mehdiyevi bə AMEA rəhbərəti kardə fəxti band cinoyət ko bino bəKulli mığdarədə devlət vəsaiti təyinotiku bə kəno istifodə karde muəyyən bə.Ramiz Mehdiyev Prezident Administrasiya rəhbər vəzifəku bekardə bə peş, 3 sor çe Azərboycon Milli Elmon Akademiya (AMEA) prezident bə.De Hisobə Palata bəyonnomə, Ramiz Mehdiyevi rəhbərəti kardə mıddətədə Milli Elmon Akademiya fəoliyyətədə ğanun darıştəyon oşko kardə bən və materialon bə prokuratura vığandə bən.Həmonə materialon əsnoədə, bə Korrupsiya Vəynə Mıbarizə İdorədə cinoyət ko bino kardə be barədə Sər Prokuratura Mətbuat xıdməti məlumatış pevolo kardə.“Elmon Akademiya 2020-2023-minə soron fəaliyyəti ro bardə audit təftişi ko nəticədə vəzifəninə xonəxon tərəfo kulli mığdarədə devlət vəsaiti təyinoti ro istifodə nı be iyən əlidə ğanun darıştəyon karde ro əsoson muəyyən bən”, – Sər Prokuratura doə məlumotədə ğeyd kardə bə.De fakti band de Cinoyət Məcəllə 179.4 (xususən kulli mığdarədə dələmurt və ya israf karde) və 308.2-minə (vəzifə səlahiyyətonku sui-istifodə karde) maddon cinoyət ko bino kardə bə, istintoğ bardə bedə.Ramiz Mehdiyev prezident administrasiya vəzifəku ozod kardə bə peş, 2019-minə sori oktyabrədə Azərboycon Milli Elmon Akademiya prezident təyin kardə bə. 2022-minə sorədə vəzifəku ozod kardə bə.