Azərboycon dılə noxəşiro lidere
Azərboycon dılə noxəşi ro lidere
Azərboycon dılə noxəşiro lidere
Azərboycon dılə noxəşi ro lidereHa sor 29 sentyabr Umumdınyo Dılə Rujədə dınyo keşvəron de kordioloji mərəzon mıbarizə bə dəğğət vardən. Statistikon ın mərəzi Azərboyconədə barz be siğnal dodən.Tibbi vəziyyəti ro onlayn baza “WORLDLIFEEXPECTANCY” bə dılə mərəzon ro təğdim kardə xəritədə Azərboycon bın mərəzi ro dınyoəda 2-minə vırədəy. Boku Sər Səhiyyə Mərkəzi ponə sori pevolo kardə məlumatədə, har manq qıniyə 901 mardə hadisə 613 qılə de dılə noxəşi anqıl be votə bedə be.2005-minə sorədə tosə 18 sini nuperəson miyonə 10861 kəsi bə xunə noxəşi dıço qıne, 2023-minə sorədə ın rəqəmi bə 17676 kəs ros be ğeyd kardə bə.Terapevt Cavid İmomzodə votedə ki, de moəoməy iyən peso bə miyon beşə dıl, xun mərəzon bın məsələdə co-bəco karde vocibe, çumçoko holiədə ən yolə mıbarizə de peso bə miyon beşə mərəzon anqıle.“ Azərboycon mərdumi oxonə soronədə çokne jiye nəzə səğandəmon bəvindemon ki, əv besistem, beintizominə jimon dəvonidə . Vərzeş ni, har ruj stress, hardeyən fər ni, hətto hırdə əğlon ruji dırozi de telefoni, kompyutere istə jimoni dəvonidən. Cıvononən joğon, sininə odəmonən. Çımon bə inson psixoloqiya zərər be barədə çanəndə elmi tədğəğaton hıstin. Həkim Vasif İsmayıl votedə ki, mərəzon de iğtisadiyyati əlağəşon hıste, çumçoko vətəndori budcə çanəndə barzebu de mərəzon mıbarizən ənəndə effektine:“Əhali maddiyəti bə ji be bəçe harde təsir kardə. Keyfiyyət iyən ğiymət, saru, hətto zərərinə qida, şəkə faiz barz bə məmulaton hıridən. Navko niyə ruən hıryə xonəxon, marqarin, mənşə məlum nıbə ruənonku istifadə kardən”,– həkimi ğeydış kardə. Poliklinikon profilaktik muayinə iyən mualicə ro kardə xıdməton vey jinə səviyyədən.İnsonon kardə ğəzənc bə muayinə şe ro imkon dodəni .Həkim kardioloq Zehrab Sultanov dılə mərəzon ziyod be həmən xunədə xolesterini barz be, holiədə marketonədə, restoranonəda həvatə hardə məhsuli xeysə vey zərəri be iddio kardedə. De əçey fiki, həmmə hardəyonədə istifadə bə palma ruəni tərkibədə xolesterin vey barze.Azərboyconədə bə harde keyfiyyəti qida əmniyyətəti aqentəti nəzorət kardə ki. ın onemoni nəzarəti ko rə-rə mediadən, cəmiyyətən bə vey sualon səbəb bedən. Çəvon nom rışvə iyən de korrupsiya iddion sosial şəbəkonədə qətə bedən.
