Amerkə bə jenon ələyh-2
1968 minə sori Milaydiədə martə manqi 16 minə ruji Amerkə əskəron, bə beqınoə odəmon ələyh vəhşiyə cinoyətışon əncom do
1968 minə sori martə manqi 16 minə ruji Milaydiədə Amerkə əsqəron, bə beqınoə odəmon ələyh vəhşiyə cinoyətışon əncom do.
Bə ın mevzu diğət doey ki, ın di bə dışmeni pənohış doə bə ın di ələyh hərbiyə əməliyyoton əmr sadir be.
Əmr ın be ki, de huzziyə hərəkəton rəftor bıkən və çəvon kəon otəş bıjənon və har bəji bıə mevcudi bıkışton və həmmə xorək maddon miyono bıbən və ovə çolon zəhrin bıkən.
Amerkəvıjə əsqəron bə di daxil bin, ıştə mığobilədə dışmenon nıvinde.
Bın holədə bə ha tərəf qıluləşon ğande, muhhim nıbe ki, bə çi və çı kəsi qınedə.
Ha hərəkət kardə mevcud hədəf bə hisob omedə be, və de pulemiyot iyən qombarə vositə hədəf qəror qəteydə bin.
Əvon de nıbə vavonə 504 nəfərışon kışte iyən işkəncə və de dəlili nıbe ğətleam kardey, bədəni uzvun bıriye, cinsiyə tacavuz, və cəsədon poəpoəşon karde.
Milaydə Amerkəvıjon bə 20 qılə Vyetnamıjə jen və kinə ki, 10 ta 45 sor sinışon hest bı təcavuzışon karde ki, ın ğıbon bıə kəson miyono 9 qılə kinə 18 sor sinniku bəji bin.
Jornalistiki, Reportyoriki Milay cinoyətış oşko karde, Seymour Hersh faciəş jığo bəyonış karde:
Xəyilion bə qədə qrupon baxş bin və de qılulə vositə kıştə bin.
Bə kali jenon və cıvonə kinan təcavuz be və çəyku bə peştə kıştə bin.
Hersh bə yodış varde ki, Milay nom yodiku benibəşe çon ın məntəğə millət de nıbə dəlil və təsadofi surətədə Amerkəvıjə ğıvvon hədəf ğərorışon qəte.
Dəhşətinə ğətleamoni canqonədə əncom bedə. In ğətleam hətta canqi məydonədə həm əncum nıbe bəlkəm qıləy di və məntəğədə de nıbə dəlili qıləy ğətleam be.
In cinoyətiku qıləy nəşr bıə təsviron qıləy təsvir diğət mərkəzdə ğərorış qəte. Təsviri rostə tərəfədə qıləy kinə de siyohə oləti vində bedə ki, ıştə oləti duqməon dəbastey məşğule.
Təsviri ki, nışon doydə ki, Milaydə jenon və hırdanon kıştə bıə tacavuzkuron miyonə saxtə ləzəonışon dəvordoniyə.
