İroni barzətiyon

İroni barzətiyon

Kişfəri İnformasiyə texnoloqiyon ərsədə təsirinə şəxsiyyətonku qıləyni professor Əli Əkbər Cəlaliye.əv, çe doktoranturəku peşonə kursış elektrik mıhəndisəti iyən komputer nəzorəti sahədə qıləy təhsilış həm heste.professor Əkbər Cəlali çe Ğərbi Virciniyə,Merilənd Kollec Parki unversteton mehmonə ostad iyən çe amerkə Merilənd UMBC və UoNA unversteton Part-time professor-mellim heyəti uzve.əv,ironədə bo iminə kərə internet şəbəkə inkişof və nufuziro məxsusən diyəroə diyonədə bıə səyon xoto,de İroni İnformasiyə texnoloqiyon dədə nomi şehrətış pəydo karde.Əli Əkbər Cəlali Həşi 1993-ə sori bo iminə kərə Virtual əsri nəzəriyyəş bənə bəşəri jimonədə çominə əvəz bıə ləpə unvoni nışonış doe.Həşi 1402-ə sori azərə manqədə(2023 dekabrədə)professor Əli Əkbər Cəlali ıştə Yutyub səyfədə jıqoş nıvışte:ayəndə jimon çe mevcudə fiziki həyğətiku iyən məcozi həyğətiku cəm bəbeyn ki,çəy təsiron Metavers və Veb-3 texnoloqiyə tətbiğon mışohidə bəkardemon.çın ləzəku əv ıştə dicitalə dıbıli proje dumo be və ıştə avatariku oko doey 3D virtual məkonədə pəydoş karde və əvış de xotırcəməti iyən elastikəti peqəte…

İroni kişfəri fəxorətinə simoonku qıləyni həm doktor Karo Lukas Ğukasiyane ki,de İroni robatik elmon dədə nomi məşhure.Karo Lukas Ğukasiyan suni zəko iyən robatik elmon sahədə məşhurə təhğiğotçiyonku be.əv,Həşi 1328-ə sori şəhrivərə manqi 13-ə(1949-sentyabr)ruji İsfəhonədə bə dınyo çəşış oj karde.Karo Lukas Ğukasiyani 62 sor jimonış karde və Həşi 1389-ə sori(2010) sori həm bəfotış karde.doktor Karo Lukas Ğukasiyan ıştə idtidoyi təhsilış çe erməniyon məktəbədə handəşe.peşo tehroni unverstetış de elektrik iyən elektroniki sahədə bıə maqistra diploma bə oxo rosneşe və milodi 1976-ə sori ıştə doktoranturə diplomış çe Kaliforniyə Berkli Unversteti komputer elmon iyən elektrik mıhəndisətiş de mıhəndisəti nəzorəti təmayuli kəsbış karde.doktor Ğukasiyan çe ağılmandə sustemon sahədə bərrəsi iyən tədğiğotonş bardedəbe.əv,çe tehroni ali məktəbi elektrik mıhəndisəti mıəssisə “nəzorət və ağılmandə emoli ğutbi” təsisəkə iyən mudir be və həmçinin fundamnetalə elmon Tədğiğot İnstituti mudir be.