İmom Xameneyi:sionist rejim mığavimətı miyono bardeyu məğlub bəy.

İslomiyə inğilobi yolə rəhbəri, mığavimətı miyono bardeyu, 50 həzo sə veyə be qınoə insoni kışte kənoədə bə sionist rejimi məğlubiyəti təkidış karde və çəysə yolə məğlubiyətış,mədəniyyət iyən tarix və ğərbı siyasətçion rısvoçiyətiş zınə.

İslomiyə inğilobi yolə rəhbəri, mığavimətı miyono bardeyu, 50 həzo sə veyə be qınoə insoni kışte kənoədə bə sionist rejimi məğlubiyəti təkidış karde və çəysə yolə məğlubiyətış,mədəniyyət iyən tarix və ğərbı siyasətçion rısvoçiyətiş zınə.

Bə yolə rəhbəri dəftərxonə məlumat ərosnə mərkəzi nəğli əsosi SƏHAB kanal xəbəş doə ki, islomiyə inğilobi yolə rəhbəri zinə Fars ostani 15 həzo şəhidi kanqresi bərpo kardəkəson vindımonədə məntəğə hadisəon iyən mığavimətı tov varde və mucahidətış, bə məntəğə tale və tarixi əvəz be boisış zınə və votışe: mığavimətı cəhbə şərrə cəhbə vədə səf basteədə , səbarzəti çı muğaviməte.

İslomiyə inğilobi yolə rəhbəri əlovəş karde əqər bənə şəhid Senvar pəydo bə nəbi ki tosə oxonə ləhzə canq bıkə və ya əqər yoloni bənə şəhid seyd Həsən Nəsrullah bə nəbi ki cihad iyən əğl və nıtarsəti və fədakarəti de iyandı umuj bıkə və bə meydon biyə məntəğə tale cu curə əbi.

İmom Xamenei votışe: 50 həzosə veyə be mudafiə iyən ğeyre hərbiçiyə inson və mığavimətı çan qılə yolə şəxsiyyəton bə şəhodət rəseədə iyən veyə xərcon kənoədə və Amerkə himoyəonədə eyne holədə dınyoədə çəvon diyo diməti və nifrət ki bə çəvon zid icod be,mığavimətı cəhbə və mubarizə cıvonon Həmas,islomiyə cihad və hizbullah iyən mığavimətı  sayirə qrupon de həmonə iradə və ğıvvə mubarizə barde holədə hestin ki ım sionist rejimiyu qıləy yolə məğlubiyəte.

Yolə rəhbəri çimisə yolə məğlubiyətış ğərbı mədəniyyət və tarixi məğlub beş zınə və votışe: 10 həzo  məsum və be qınoə hırdəni kışte de 2 toniyə bombaon  iyən cur bə curə silahon qıləy holədəy ki ğərbiyə siyasətçion i zərrə həm norohət nıbin , bə ğərbi duəvujə siyasətçion və insonə həxon idda əkon rəsvoçiyəti bois be və ğərbı mədəniyyəti be etıbor beş bə dınyo həmmə odəmon nışonış do ki ım çəvonru həmməysə yolə məğlubiyəte.

Həzrət Ayətullah Xamenei ,sionist rejimiku himoyə əkə cəhbəş şərrə cəhbəş zınə və əlovəş karde ım şərrə cəhbə vədə muğavimət mandəy və de ilahiyə koməkəti səbarzəti çı muğavimətı cəhbəy.