Azərbaycan Respublika iyən Tırkiyə mıştərək hərbi manevri tojə mərhələ bino bıə.

Nəxçivon muxtar respublkaədə Azərbaycan Respublika iyən Tırkiyə mıştərək həvo hərbi manevri tojə mərhələ bino be.

Bə İrna raporti əsos, manevri ım mərhələ hərbi ğırəkə təyorə iyən vertəliyoton dıştə taktika pre Azərbaycan Respublika iyən Tırkiyə ərteşi zəmini ğıvvonku himoyədorəti karde əməliyaton əncom doşone.

Azərbaycan Respublika iyən Tırkiyə mıştərək hərbi manevr ki İyolə manqi 29-ə rujiku bino bıə, tosə Avqostə manqi 10 dəvom kardedə.

Im mərhələdə ki Boku, Nəxçivan, Qəncə, Kurdmir iyən Yolaxədə dəvom kardedə veyni 2 qılə kişvəri həvo ğıvvon xususi ğırəkə təyyarəonku istifodə bıdə.

Azərbaycan Respublika iyən Tırkiyə miyono ım mıştərək hərbi manevr, Tovuz məntəğədə Erməniston iyən Azərbaycan Respublika miyono tojə dıvrə daveonku 2 haftə bəpeştə bino be.

Im daveon cəryonədə 2 tərəf xususi Azərbaycon Respublika hərbiçion iyən ğeyre hərbion tələfoti bois be.

Tojə behroni həman iminnə rujiku Tırkiyə rəsmən elanış karde ki Boku dıvləti kənoədə bəmande iyən bə ım kişvər hacurnə hərbi koməkon bəvığande.

Im hərbi manevri dəvoniye barədə Ermənistoni xarıci vəzarətxonə elanış kardə be ki məntəğədə Azərbaycan Respublika iyən Tırkiyə mıştərək hərbi manevr qələy təhrikəkə ğərole ki sulhi təhdid bəkay və ım ğərol bə sulh dast peydo karde xoto harcurnə beynəl-xalğ vositəçiyətion vədə mane bəbe.