İslomi İnğilobi Sepah Təşkiloti komandir: İron bə deşmonon təhdidon, peşmonəkə cəvob dodə.
İslomi İnğilobi Sepah Təşkiloti komandir votışe: İroni silohinə ğıvvon bə deşmonon həmmə təhdidon və xəbisə planon peşmonədə cəvob dodə.
Bə Tele-Rədio aqentiyəti raporti əsos, İslomi İnğilobi Sepah Təşkiloti komandir qeneral Huseyn Səlami Bomusa cəzirədə Fars dıyo zumandəti manevri ğıvvon cəmədə əlovəş kardə: İroni silohinə ğıvvon marzon əmniyyət iyən islomi İnğilobi əzəmətinə muvəffəğiyəton iyən istiğloli oqəteyro fıdokorəti kardedə.
Qeneral Səlami Fars dıyo zumandəti manevrədə İslomi İroni sərzəmini saheli məntəğə cıvonmerd iyən ciqəmandə marzdaron və ğəyrətmandə canqəkəyon iştirokiku ğədrdonətiş kardə iyən votışe: mudafiə həmçınan mevcude və ım İslomi İnğilobi Yolə Rəhbəri məntığ be ki har şəroyeti mudafiə bənə qıləy ğoymə zərurət bızno.
İslomi İnğilobi Sepah Təşkiloti komandir ijən təsdiğış kardə: mısılmonə milləton iyən devləton zuşon heste ki həmmə məntəğə əmniyyəti bıvə şəroyeti icod kon və bə hiç qılə xarıcion iştirok ehtiyocış ni.
Qeneral Səlami ijən əlovəş kardə: ım İroni milləti daimə mesaje ki hiç qılə əcnəvi icozəş ni ki bə mısılmonon sərneveşt hakımiyət bıko.
İslomi İnğilobi Sepah Təşkiloti komandir ijən təkidış kardə: həmmə noəmnion, canqon, be stabilətion, ixtilafon, Asiya ğərb məntəğə no oromətion, xarıci kişvəron bənə Amerkə iyən sionist rejimi xarıci siyosəton ovoştoniyə məhsule ki mısılmonon jimoni coqrafiya və siyosi fəzoədən.
