Tramp bə Farsi kandovi seqlə cənubə kişfəri bıə səfədə çiçi dumoye?
AİŞ prezdent Donald Tramp mayə manqi 13-ku etıborən bə Farsi şoxovi cənubədə bıə seqlə kişfəri,yəni bə Səudiyyə Ərəbıston,İƏƏ və Ğətəri se rujnə səfəş binoş kardə.
Tramp, bənə ıştə prezdendəti iminə mıddətədə bey,ijən həm bənə ıştə iminə xarici səfə hədəfi Səudiyyə Ərəbıstonış vıjniyə.
Vaşinqtoni bəyonış kardə ki,çın səfə məğsəd de Farsi kandovi ərəbə kişfəron strateji həmkoəti zumand kardeye.çımi bənav Amerkə medya de Trampi bə Farsi şoxovi bıə səfə anqıl ısətnə və dəvardə amerkəvıjə rəsmiyon və bə dıqlə ərəbə rəsmiyon bəyonoton əsosən,çəy məğsəd i trilyon dollari erjədə bıə mığoviləon və investisiya ehdəmonon bə AİŞ-on oqordıneyış nıvıştə.
Əslədə Trampi bəy torıxi nom noə və bəzi medya orqanon bo AİŞ-on ixtisodi foydə tosə 3 trilyon dollari rəsə çın səfə bo kə soybəti kardə kişfəron hiç həm sərfəyn ni.ım,i tərəfinə ğaydədə bə Amerkə ixtisodi və strateji mənafeyon xıdmət kardedə.
