İmom Xameneyi:ğəzzədə ,sionist rejimi vəhşiqərətion vədə mande qıləy umumiyə vəzifəy

İslomi inğilobi yolə rəhbəri Həzrət ayətullah Xameneyi sionist rejimi ğəzzədə cinayət və vəhşiqərətion vədə mandeş qıləy umumiyə vəzifəş zınə.

İslomi inğilobi yolə rəhbəri Həzrət ayətullah Xameneyi sionist rejimi ğəzzədə cinayət və vəhşiqərətion vədə mandeş qıləy umumiyə vəzifəş zınə.

İslamiyə inğilobi yolə rəhbəri bəyonoton,imdodiyə şəhidon milliyə kanqresi ğərorqo uzvon vindımonədə ki 2 ruj çimi bə nav yəni həşi 404 minnə sori ordibeheştə manqi 22 nə ruji bərpo be, zinə 4 şanbə ım qırdbemoni təşkil bə məhələdə nəşr be.

Bə yolə rəhbəri dəftərxonə məlumat ərosnə mərkəzi nəğli əsosi pars todey xəbəş doə islomiyə inğilobi yolə rəhbəri Həzrət Ayətullah Xameneyi ım vindımonədə imdodiyə ğıvvonış , insoni və insondustə xususiyəton simvolış zınə və bə ironi milləti insondustə ruhiyə dəvom pəydo karde zərurəti de mədəniyə roon təkidış karde və ım ruhiyə vədə sionist rejimi ğəzzədə cinayəton və vəhşiqərətion hestin ki ğərb həm çəyku himoyə kardə, jıqo xunxarəti və botilə cəhbə vədə mande umumiyə vəzifəy.

İslomiyə inğilobi yolə rəhbəri fədakarəti və imdodiyə ruhiyə vədə bıə nuğtəş  sionist rejimi cinayətkaron vəhşiyə rəftorış bə təciliyə tib xıdməton maşinon hucum,noxəşxonəon bobbardımon və be mudafiə noxəşon və hırdənon kışteədəş zınə və votışe:ımruj dınyo idarə karde bə insoni mandə jıqo həyvonon dastədəy və islomiyə Respublika ıştə vəzifə zındəy ki jıqo vəhşiqərətion vədə bımando.