Nəxçivon əraziədə Tırkiyə hərbi baza soxte Boku tərəfo təkzib bıə.

Azərbaycan Respublika mudafiyə vəzarətxonə de qıləy bəyoniyə vositə Nəxçivon əraziədə Tırkiyə hərbi baza soxte təkzibış karde.

Bə İrna raporti əsos, Azərbaycan Respublika mudafiyə vəzarətxonə zinə ıştə bəyoniyədə elanış karde: Nəxçivon əraziədə Tırkiyə hərbi baza soxte iyən ım məntəğədə Tırkiyə hərbi ğırəkə təyyorəon ışteraki barədə Maskva Nzavisimaya Qazta nomo rujnomədə çap bıə mətləb kamilən due iyən əsosış ni.

Azərbaycan Respublika mudafiyə vəzarətxonə ijən jığonə du-təlbis xəbon muntəşir bey barədə Ermənistonış nəf bardə tərəf bə hisobış varde ki de təşviş eğande pidəşe məntəğədə bə behroninə vəziyəti əlovə ko.