Ğərəboği barədə İroni Yolə Rəhbəri sıxanonku Boku dıvləti ğədrdonəti.
Azərbaycan Respublika xarıci vəzarətxonə de qıləy bəyoniyə vositə Ğərəboği barədə İroni Yolə Rəhbər Həzrəte Ayətullah Xamenei sıxanon iyən himoyədorəti bə təğdiri loiğ bə hisobış varde
Bə İrib raporti əsos, Azərbaycan Respublika xarıci vəzarətxonə Ğərəboği barədə iyən ım kişvəri ərazi təmomiyyəti oqətey barədə İroni Yolə Rəhbəri sıxanonku ğədrdonətiş karde.
Azərbaycan Respublika xarıci vəzarətxonə dıştə bəyoniyə vositə təkidıç karde Boku dıvlət Ğərəboği barədə çı İroni Yolə Rəhbəri jığonə sohbəton iyən komilə himoyəonku ğədrdonəti və çəy barədə ıştə rizoyəti elan kardeydə.
Həzrət Ayətullah Xameneyi tojədən ıştə de televizyiə bəyjiyə sıxanonədə de İslomi Peyğombəri(s) iyən İmom Cəfər Sadıği(ə) milodi mıborəkə ruji mınosibəti, bə Az.Respublikə de Ermənıstoni miyono oxonə canqon işorəş karde və təkidış karde ki, ım telə hodisə mevzuye və bo regiyoni əmniyəti təhdide.
Ə Həzrəti voteşone: ım hərbi canq bəpe çanədə rə təmom bıbu. həlbəttə, çı Az.Respublikə de Ermənıstoni vositə işğal bıə qırd ərazi ozod bıbu və bə Az. Respublikə oqordıney bıbu.
Çimi bənav, Azərbaycan Respublika xarıci vəziri muavin, Xələf Xələfof həm İroni Yolə Rəhbəri ım himoyəonış 2 qılə hamsoyə kişvəri miyono dustanə rabitəon nımonə bə hisobış vardə be.
