Ğərəboği barədə Avropa bəyoniyə çı Ermənistoni rizoyəti cəlbış karde.
Ğərəboğədə terroriston işteraki məhkum kardey barədə Avropa tojə sadir bıə bəyoniyə çı Ermənistoni rizoyəti cəlbış karde.
Bə Amen Niyuz sayti raporti əsos, Ermənistoni xarıci vəzorətxonə sıxanəvot votışe: Avropa şura bə Erməni əsiron ozodəti vey əhəmmiyət dodə və təkidış kardə ki Azərboycan Respublika canqi cinoyəton bəpe bə cəvob nımando.
Ana Nəğnadian əlovəş karde: Tırkiyə bəpe Ğərəboğədə hərbi mıdoxiləonku dast bıkəşi iyən Ğəfəaz məntəğədə ıştə bestabiləkə siyasətonku dast bıkəşi.
Ermənistoni xarıci vəzorətxonə sıxanəvot ijən Azərbaycan Respublikaku tələbış karde ta Ğərəboğədə bıə Erməni mədəni, tarixi və məzhəbi əsəron xərob kardeyku imtino ko iyən bə ım məntəğə humanitar koməkon vığande icozə bıdə.
Qıle holədə ki Ğərəboğədə daveon bə oxo rəsə əmmo 2 tərəf həmçenan ıştəni bə otəş basti ləğv karde, məntəğə sakinon hıx-huğuği poymol karde iyən tarixi əsəron xərob karde mıttəhəm kardedən.
Ğərəboğədə Azərbaycon Respublika iyən Ermənistoni miyono tojə dıvrə daveon dəvardə sori Sentiyabrə manqi 27 ku bino bıə be ki oxoy sə Rusiyə, Azərbaycan Respublika iyən Erməniston 2020-ə sori Noyabri 10 ım dıvrə canqi səkardeyro qıləy mıştərək sazışi imzo kardışone.
Həminə sazişədə sıvoy canqi sə karde, bə humanitar məsələon iyən əsiron və cənazəon vırə bə vırə kardey təkid bıə iyan ğeyd be ki Rusiyə sulhmərominə ğıvvon təmas və dave xəttədə sulhi təmin bəkan.
Ğeyd kardənine ki Ğərəboği muxtəlif baxşon əmniyəti təmin karde tosə 5 sor bə Rusiyə sulhbanon qi haştə bəy, peşo bəzi məntəğəon tale barədə ğərolon təin bəbe.
