İroni çordəminə devləti səyvoni çe səçıni dıminə turədə mıəyyən kardey
İroni çordəminə devləti səyvoni çe səçıni dıminə turədə mıəyyən kardey
İroni çordəminə devləti səyvoni çe səçıni dıminə turədə mıəyyən kardey
İroni Daxili Koon Vəzərotxonə səçıni ğərorqo çe prezdenti vıjıni 14-ə mərhələ tosə dıminə turi dıroz bıeyış elon kardə.İronədə prezdenti vıjnemoni 14-ə tur pəynə(cımə ruji),iyuni 28-də İron iyən çı dınyo 95 qılə kişfərədə 59 həzo şebədə bərpo be.demi əloğədor və bə Tele-Rədyo xəbə aqentəti doə məlumoti əsos;İroni Daxili Koon Vəzərotxonə səçıni ğərorqo İroni prezdenti vıjıni 14-ə turi oxonə nəticəon bəyon kardə holədə,Məsud Pezişkiyan iyən Səyid Cəliliş bə səçıni dıminə turi vəsiğəş mıəyyən karde.
Bə İroni Daxili Koon Vəzərotxonə səçıni ğərorqo eloni əsos,58 həzo 640 şebə sədon hisob kardey bədiqə,cəmi 24 milyon 535 həzo 185 sədoku Məsud Pezişkiyan 10 milyon 415 həzo 191 sədoş cəm kardə və Səyid Cəlili de 9 milyon 473 həzo 298 sədo bə 14-ə İroni prezdenti vıjnemoni dıminə mərhələ bənə iminə iyən dıminə nomizədi daxil bıən. Həmçinin,Məhəmməd Bağır Ğalibaf 3 milyon 383 həzo 340 sədo,əmmo Mıstəfo Purməhammədi 206 həzo 397 sədo cəm kardəşone.bımi əsosən,Məsud Pezişkiyan və Səyid Cəlili omə cımə ruji(iyuli 5-ə) ruji İroni 14-ə hukuməti sədrəti peyo mıborizə bəbardeyn.
