İronədə bıə Nəvuzə idi adəton nomo bıə kitob, Nəxçivonədə çap be.

İronədə bıə Nəvuzə idi adəton nomo bıə kitob, Nəxçivonədə bə azəri zıvoni tərcumə iyən çap be.

Bə İrib raporti əsos, ın kitobədə ki de Nəxçivonədə bıə İroni kunsuli zəhməti çap bıə, bə Nəvuzə idi vucudi fəlsəfə iyən rişə, muxtəlif İronıjon rəsm-adəton, Nəvuzə idi mərosimon elan karde, 7 sin surfə, Nəvuzə idədə bıə ailəvi koon və bə yande osə ğande, kə təmiz karde rəsm, mardə kəson ğəvi ziyorət, 13 bedər yaxod nəvuzə idi 13-ə ruji məxsus adəti işarə bıə.

Nəxçivonədə bıə İroni kunsuli mədəni rəsmi şəxs Əbulfəzl Rəbii votışe: həminə kitobədə dınyo iyən məntəğədə bıə cəmaəti çoknə Nəvuzə idi dəvoniye xususi Azərbaycan Respublika, Əfğaniston, Tacikiston, Tırkiyə, Tırkəməniston, Ğəzaxiston, Ğərxiziston, Uzbəkiston, Pakiston, İrağ, Misr və Nəxçivon Muxtar Rispublikə milləton miyono həminə mərosimon bərpo bey barədə mətləbon de Azəri zıvon çap bey kənoədə, çandə cəzbəkə şikilon həm muntəşir bıə.

Rəbii əlovəş karde: İronədə bıə Nəvuzə idi adəton nomo bıə kitob bə İroni mədəniyət, ədəb iyən rəsm adəton aşiğ bıə cəmaət iyən ustudon və mıhəğğiğə tələbəonro qıləy çokə mıtəbərə mərcə iyən xəzinəy.