İron iyən Ermənistoni miyono elmi və təlim həmkarion hevuj bəbe.

Ermənistoni təlim, elmon, mədəniyət və varzış vəzir de İroni səfiri vindımon karde cərəyonədə bə Nano texnoloğiya elmon baxşədə İroni zərfiyətiku tam istifodə karde təkidış karde.

Bə İrib raporti əsos, Ermənistoni təlim, elmon, mədəniyət və varzış vəzir Vahram Domaniyan bə Nano texnoloğiya elmon baxşədə İroni erjinə təcrobəon işarə və təkidış karde ki həminə təcrobəon iyən İroni fumi elmi fəaliyəton bəpe mıştərək təlim bərnoməon çərçivədə Ermənistonədə istifodə bıbu.

Əv ijən bə 2 qılə kişvəri miyono həmkarion tojə muğavilə əməliyoti bey zəruriyati işarəş karde və həminə həmkari sazışi əhəmmiyətin bə hisobış varde.

Ermənistonədə İroni səfir, Əbbos Zuhuri həm ım vindımonədə İron və Ermənistoni miyono bıə elmi-təlim baxşədə bıə həmkarion vey əhəmmiyətin bə hisobıç varde və həminə çərçivədə 2 qılə kişvəri miyono elmi-təlim həmkari mıştərək mərkəzon təsis karde həmçenin İron və Erməni şenasi təhğiğ icod karde qıləy təsirinə ko elanış karde.

Im videmoni oxoyədə 2 tərəf rozi bıən ki mıştərək həmkarion bənav bənav bardeyro ko mıştərək kamissiyaon təşkil bıdən.