Nat iyən qaz sahədə İron və Nəxçivan məntəğə miyono bıə həmkarion.

Nəxçivanədə bıə İroni sərkonsol və ın məntəğədə bıə nat və qaz təminəkə muəssisə rəis həmkarion inkişofi barədə sohbət kardışone.

Bə İrna raporti əsos, Seyd Əhməd Huseyni və Behruz Əzimov ım vindemonədə çı məntəğə vəşemon ehtiyoci çoknə təmin kardey barədə muzakirə kardışone.

Həminə mulağatədə Huseyni çı İron iyən nəxçivan məntəğə miyono bıə oxonə vəziyəti barədə raportış do iyən votışe: İron bə de hamsoyə kişvəron əcumlə de Azərbaycan Respublika miyono bıə nığıl iyən səmimanə həmkarion vey diğğət kardeydə.

Nəxçivan məntəğə nat və qaz təminəkə muəssisə rəis həm İronış məntəğədə bıə qıləy muhim və yolə kişvər bə hisobış varde və votışe: de İron dustanə və səmimi həmkarion həmmişə bo Azərbaycan Respublika iyən Nəxçivan məntəğə vey muhimme.

Əzimov əlovəş karde: nat iyən qaz sahədə Nəxçivan məntəğə vey ehtiyacon, İroni tərəfo təmin bıdə və de xoşbəxtiyəti ım məsələ de surəti və beproblem əncom beydə və əmə boçimi xoto İroniku təşəkkur kardeydəmon.