Ərdoğan bə Azərbaycan Respublika bəşe.
Tıkiyə prezident manqi 14 və Boku rəsmi şəxson vindemon kardeyro bə Azərbaycan Respublika səfər bəkarde.
Bə TRT sayti raporti əsos, Ərdoğan həminə səfərədə Fuzuli və Şuşaku vindemon bəkarde.
Həmninə səfəri barədə çimi bənav jığo elan bıə be ki Ərdoğan pidəşe Azərbaycan Respublika iyən Ermənistoni miyono bıə sərhəd ixtelafon de votımoni vositə həl ko.
Tojədən və 2 qılə kişvəri miyono bıə hərbi əloğəon barədə Azərbaycan Respublika mudafiyə vəzir Zakir Həsənov de Tırkiyə həmməy silohinə ğıvvon mıştərək ğərorqoh canışin Səlcuğ Birğəddor vindımoni cərəyonədə votəş be ki Azərbaycan Respublika boştə mudafiyə ğudrəti əlovə kardeyro de Tırkiyə ıştə hərbi həmkarion inkişof bədoy.
In qıle holədəy ki tojədən Tırkiyə iyən Azərbaycan Respublika miyono bıə hərbi həmkarion, təchizot mıbodilə, manevr dəvoniye iyən mıstəşori cəhəto anədə hevuj bıə.
